Пайдалану бойынша нұсқаулар

• Электр құралының магнитпен ұстау күші дайындаманың қалыңдығына айтарлықтай байланысты болады. Ең қатты магнитпен ұстау күші кем дегенде 20 мм қалыңдыққа ие жұмсақ болатта қамтамасыз етіледі.

• Электр құралын бас үстінен немесе көлденең емес жазықтықтарда жұмыс істеген кезде сақтандырғыш таспамен бекітіңіз. Ток үзілген немесе ауыр жүктеме түскен жағдайда, магниттің ұстау күші сақталмайды. Электр құралы түсіп қалып, жазатайым оқиғаларды тудыруы мүмкін.

• Алмалы-салмалы аспап қысылған жағдайда, қозғалтуды жалмастырмай, құралды өшіріңіз. Қысылып қалудың себебін тексеріп, алмалы-салмалы аспаптың қысылу себебін жойыңыз. Солға айналу функциясын пайдаланбаңыз.

• Жұмысты бастамас бұрын әрдайым суыту сұйықтығы жүйесінің барлық бөліктерін тексеріңіз. Еш жағдайда зақымдалған бөліктерді пайдаланбаңыз.

• Суыту сұйықтығын жұмыс аймағындағы құрал бөліктерінен және адамдардан алшақ ұстаңыз.

Дайындаманың үстіңгі беті тегіс және таза болуы керек. Қатты тегіс емес жерлерді, мысалы, пісіру шашырандыларын тегістеп, босаған тотты, кірді және майды кетіріңіз. Магниттің ұстау күші тек тиісті жазықтықтарға қолданылады.

• Суыту және майлау үшін бұрғылау эмульсиясын немесе суытқыш майды пайдалану арқылы бұрғының қызып кетуіне немесе қысылуына жол бермеңіз.
  Жеткізілім жиынтығындағы суыту сұйықтығының жүйесін тек бұрғылау коронкасымен бұрғылау кезінде пайдалануға болады.
• Дайындамаларды бұрғылау үшін белгілеп қойыңыз.
• Шиыршық бұрғы: бұрғылау диаметрі >10 мм болса, кіші бұрғылау диаметрімен алдын ала бұрғылаңыз. Осылайша басу қысымын кішірейтіп, электр құралына азырақ жүктеме түсіресіз.
• Бұрғылау кезінде тек ақаусыз, өткірленген бұрғылау коронкаларын (сауда атауы бар керек-жарақ) пайдаланыңыз.
• Алмалы-салмалы аспаптың спецификацияларына сәйкес жарамды айналу жиілігін таңдаңыз.
  Нұсқау: бұранда кесу кезінде ең төмен айналу жиілігі пайдаланылуы керек.

• Лазерді қосыңыз (лазер ажыратқышы (7)).
• Электр құралын лазерлік крест көмегімен дайындамамен туралаңыз.
• Электр құралын дайындамаға бекіту үшін магнитті қосыңыз (магнит ажыратқышы (20)).
• Тік немесе еңіс жазықтықтарда немесе бас үстінен бұрғылау кезінде электр құралын сақтандырғыш таспамен (44) бекітіңіз.
• Өлшенген айналу жиілігін орнатыңыз (айналу жиілігін алдын ала таңдауға арналған реттегіш дөңгелек (2)).
• Электр құралын қосыңыз (қозғалтқыш ажыратқышы (9)).
• Бұрғылау үшін қол қос иінін (4) қажетті бұрғылау тереңдігіне қол жеткізгенше біркелкі қозғалыспен бұраңыз.
• Қажетті бұрғылау тереңдігіне жеткен соң, қол қос иінін жетек блогы бастапқы күйге қайтқанша кері бұраңыз.
• Электр құралын өшіріңіз, қажет болса, сақтандырғыш таспаны босатыңыз және лазер мен магнитті өшіріңіз.

• Тек ақаусыз күйдегі бұрғылау коронкаларын пайдаланыңыз және оларды әр пайдалану алдында тексеріңіз. Зақымдалған бұрғылау коронкаларын пайдаланбаңыз.
• Бұрғылау коронкасы тұрып қалса, электр құралын бірден өшіріңіз.
• Бұрғылау коронкасын қорғаңыз. Бұрғылау коронкасының ұштығы қатты болса да, сынғыш болып табылады.

Төмендегі шаралар бұрғылау коронкаларының тозуы мен сынуын азайтуға немесе баяулатуға көмектеседі:

• Болат бойынша бұрғылау кезінде жеткілікті суыту сұйықтығының болғанына көз жеткізіңіз; металды кесу үшін суыту сұйықтығын пайдаланыңыз.
• Қажетті магнит күшін қамтамасыз ету үшін дайындаманың тегіс және таза екендігіне көз жеткізіңіз.
• Бұрғылау алдында барлық бөліктердің тиісінше бекітілгеніне көз жеткізіңіз.
• Бұрғылау әрекетінің басында және соңында басу қысымын 1/3 шамасына азайту керек.
• Шойын, құйма мыс және т.б. сияқты материалдарды бұрғылау кезінде металл жоңқасының үлкен мөлшері пайда болса, металл жоңқасын кетіруге көмек ретінде суыту сұйықтығының орнына сығылған ауаны пайдалануға болады.

Бұрғылау кезінде айналу бағытын ауыстырып-қосқыш (8) іске қосылса, электр құралы тоқтап қалады.
Айналу бағытын ауыстырып-қосқыш ортаңғы күйде тұрғанда, қозғалтқыш ажыратқышын (9) үздіксіз басу арқылы алмалы-салмалы аспапты сағат тілінің бағытымен бұрауға болады.
Осылайша бұранда кесу процесін бірсарынды аяқтауға болады.