Қорғаныш аспапты орнату

Нұсқау: Жұмыс кезінде тегістеу шеңбері бұзылса немесе қорғағыш қаптама/электр құрал құрылғылары бұзылса, электр құралды бірден сервис қызметіне жіберу керек, мекенжайларды «Тұтынушыға қызмет көрсету және пайдалану кеңестері» тарауынан қараңыз.

Қорғайтын қаптаманы (7) шпиндель мойыншасына орнатыңыз. Қорғайтын қаптама (7) күйін жұмыс күнінің талаптарына сай етіп қорғайтын қаптаманы (7) бекіту бұрандасымен (6) бұғаттаңыз.

  • Қорғағыш қаптаманы (7) оператордың жағына қарай ұшқындардың ұшуы болмайтындай орнатыңыз.

  • Кесу үшін әрдайым кесуге арналған қорғаныш қаптаманы (8) немесе ажарлауға арналған қорғаныш қамтаманы (7) монтаждалған кесуге арналған қаптамамен (9) бірге пайдаланыңыз.
  • Тасты кескенде шаңның жеткілікті сорылуын қамтамасыз етіңіз.

Қорғағыш қаптама (8) сонымен бірге тегістеуге арналған қорғағыш қаптама (7) ретінд де орнатылады.

Кесуге арналған қаптама

Кесуге арналған қаптаманы (9) ажарлауға арналған қорғаныш қаптамаға (7) монтаждаңыз (A суретін қараңыз): иінтіректі кері қайырыңыз (➊). Қаптаманы (9) ажарлауға арналған қорғаныш қаптамаға (7) кигізіңіз (➋). Иінтіректі қорғаныш қаптамаға (7) қайтадан мықтап басыңыз (➌).
Бөлшектеу үшін (B суретін қараңыз) иінтіректі кері қайырыңыз (➊). Қаптаманы (9) қорғаныш қаптамадан (7) тартып алыңыз (➋).

Бағыттауыштары бар кесуге арналған қорғаныш қаптама (25) ажарлауға арналған қорғаныш қаптамамен бірдей орнатылады.

Қосымша тұтқаны (5)/(4) сорғыш қаптамадағы қапсырма арқылы редуктор корпусына бекіту арқылы электр құралы сорғыш қаптамамен берік байланыстырылады. Бағыттауыштары бар сорғыш қаптамаға (25) арнайы Bosch шаңсорғышын жалғауға болады. Ол үшін сорғыш шлангіні сору адаптерімен сорғыш қаптаманың арнайы бекіткіш саңылауына енгізіңіз.

Нұсқау: сору кезінде сорғыш шлангідегі және керек-жарақтағы шаңнан пайда болған үйкеліс электрстатикалық зарядты тудырады, пайдаланушы бұл зарядты статикалық разряд ретінде сезуі мүмкін (қоршған ортаға және өзінің физиологиялық қалпына байланысты). Bosch компаниясы жалпы бойынша ұсақ шаңды және құрғақ материалдарды сору үшін антистатикалық сорғыш шлангіні (керек-жарақ) пайдалануға кеңес береді.

  • Резеңке ажарлау тәрелкесімен (20) немесе тостаған тәрізді қылшақпен/конустық қылшақпен/алмас бұрғылау коронкасымен жұмыс істеу үшін әрдайым қол қорғанысын (19) киіп жүріңіз.

Қол қорғанысын (19) қосымша тұтқамен (5)/(4) бекітіңіз.

Қосымша тұтқаны (5)/(4) жұмыс тәсіліне байланысты редуктор бастиегінің оң немесе сол жағына бұрап бекітіңіз.

  • Электр құралын тек қосымша тұтқамен бірге пайдаланыңыз: (5)/(4).
  • Қосымша тұтқа (5)/(4) зақымдалған жағдайда, электр құралын әрі қарай пайдаланбаңыз. Қосымша тұтқаға (5)/(4) ешқандай өзгерістер жасамаңыз.

Діріл басқыш қосымша тұтқа (4) дірілсіз және жайлы әрі қауіпсіз жұмыс істеуге мүмкіндік береді.