Ставање во употреба

Информирајте се за важечките одредби/закони во Вашата земја во однос на постапувањето со честички прав што се штетни по здравјето.

Всисувачот може да се користи за всисување и издувување на следните материјали:

Прав со гранична вредност на изложеност ≥ 0,1 mg/m³

Во основа, всисувачот не смее да се користи во простории каде постои опасност од експлозија.

Погрижете се работната средина да биде безбедна.

Притоа внимавајте на чист и уреден работен простор поради опасност од сопнување.

Пред да всисувате проверете дали капакот на преградата за батерии е безбедно затворен.

Напомена: за безбедно усогласување со класата на прашина M и максималното време на работа, се препорачуваат акумулаторски батерии ProCORE со капацитет од 8 Ah или 12 Ah.

За да се загарантира оптимален капацитет на всисување мора секогаш целосно да го одвиткувате цревото за всисување (20).

Осигурете се дека всисувачот е секогаш добро затворен.

Користете само неоштетен филтер (без пукнатини, дупчиња итн.). Веднаш заменете го оштетениот филтер.

Вклучување/исклучување

За вклучување на всисувачот, свртете го прекинувачот за вклучување/исклучување (14) на позиција 1.

За вклучување на функцијата за автоматско стартување свртете го прекинувачот за вклучување/исклучување (14) на позиција . Ќе светне приказот на функцијата за автоматско стартување (4). Всисувачот може автоматски да стартува кога е поврзан со електричен алат преку модулот на предавател GCT ….

За исклучување на всисувачот, свртете го прекинувачот за вклучување/исклучување (14) на позиција 0.