Пайдалануға ендіру

Лазер қабылдағышын лазер сәулесі қабылдау өрісіне (1) жететіндей етіп орналастырыңыз. Оны лазер сәулесі қабылдау өрісінен көлденеңінен өтетіндей етіп туралаңыз (суретте көрсетілгендей).

Бірнеше жұмыс режимі бар ротациялық лазерлерде ең жоғары айналу жылдамдығымен көлденең немесе тік жұмыс режимін таңдаңыз.

  • Лазер қабылдағышын қосқан кезде, дыбыстық сигнал шығады. Сондықтан лазер қабылдағышын қосқан кезде құлақтан немесе басқа адамдардан алшақ ұстаңыз. Қатты дыбыс есту қабілетін зақымдауы мүмкін.

Лазер қабылдағышын қосу үшін қосу/өшіру түймесін (19) басыңыз. Барлық дисплей индикаторлары мен барлық жарық диодтары қысқа уақытқа жанып, дыбыстық сигнал беріледі.

Лазер қабылдағышын өшіру үшін қосу/өшіру түймесін (19) барлық жарық диодтары қысқа мерзімге жанып, дисплей сөнгенше басып тұрыңыз. Лазер қабылдағышын өшірген кезде, дисплей жарықтығының реттеуінен басқа барлық реттеулер жадқа сақталады.

Егер шамамен 10 мин ішінде лазер қабылдағышында ешбір түйме басылмай, қабылдау өрісіне (1) 10 мин ішінде ешбір лазер сәулесі түспесе, лазер қабылдағышы батарея зарядын үнемдеу үшін автоматты түрде өшеді.

Ротациялық лазер мен жинақтағы лазер қабылдағышы зауыттан жеткізілген кезде әлдеқашан Bluetooth® арқылы қосылып тұрады. Қосылым бар болғанда, лазер қабылдағышының дисплейінде Bluetooth® (b) арқылы қосылым индикаторы жанып тұрады.

Лазер қабылдағышын қайтадан қосу немесе басқа лазер қабылдағышын ротациялық лазерге қосу үшін ротациялық лазердегі Bluetooth® түймесін, ротациялық лазердің дисплейінде қашықтан басқару пультімен / лазер қабылдағышымен байланыс орнату белгісі көрсетілгенше басып тұрыңыз. Содан кейін лазер қабылдағышындағы X осінің (16) және Y осінің (15) түймелерін, лазер қабылдағышының мәтіндік индикаторында (e) P‑‑ деген хабар пайда болғанша басып тұрыңыз.

Байланыстың сәтті түрде орнатылуы ротациялық лазердің дисплейінде расталады. Лазер қабылдағышының мәтіндік индикаторында (e) POK деген хабар пайда болады.

Ротациялық лазер мен лазер қабылдағышының арасында байланыс орнату мүмкін болмаса, лазер қабылдағышының мәтіндік индикаторында (e) PNK пайда болып, ротациялық лазердің дисплейінде сәтсіз болған қосылым туралы хабар көрсетіледі. Ақауды жою үшін ротациялық лазердің пайдалану бойынша нұсқаулығын қараңыз.

Лазер сәулесінің қабылдау өрісіндегі (1) орналасуы осылайша көрсетіледі:

  • лазер қабылдағышының алдыңғы мен артқы жағындағы дисплейде (5) "Ортаңғы сызық астындағы лазер сәулесі" бағыт индикаторы (f), "Ортаңғы сызық үстіндегі лазер сәулесі" бағыт индикаторы (j) немесе ортаңғы сызық индикаторы (h) арқылы,
  • сондай-ақ лазер қабылдағышының алдыңғы жағындағы "Ортаңғы сызық астындағы лазер сәулесі" деген қызыл түсті жарық диодты бағыт индикаторы (4), "Ортаңғы сызық үстіндегі лазер сәулесі" деген көк түсті жарық диодты бағыт индикаторы (2) және жасыл түсті жарық диодты ортаңғы сызық (3) арқылы,
  • сондай-ақ дыбыстық сигнал арқылы.

Қабылдау өрісі (1) арқылы лазер сәулесі алғаш рет өткен кезде, әрдайым қысқа дыбыстық сигнал беріледі, "Ортаңғы сызық астындағы лазер сәулесі" деген қызыл түсті жарық диодты бағыт индикаторы (4) және "Ортаңғы сызық үстіндегі лазер сәулесі" деген көк түсті жарық диодты бағыт индикаторы (2) қысқа уақытқа жанады (дыбыстық сигнал және/немесе жарық диодты бағыт индикаторлары өшірулі болғанда да).

Лазер қабылдағышы тым төмен: лазер сәулесі қабылдау өрісінің (1) жоғарғы бөлігінен өтсе, дисплейде "Ортаңғы сызық үстіндегі лазер сәулесі" деген бағыт индикаторы (j) жанады.
Жарық диодтары қосулы болған кезде, "Ортаңғы сызық үстіндегі лазер сәулесі" деген көк түсті жарық диодты бағыт индикаторы (2) жанады.
Дыбыстық сигнал қосулы болса, сигнал баяу ырғақпен беріледі.
Лазер қабылдағышын көрсеткі бағытымен жоғары қарай жылжытыңыз. Ортаңғы сызыққа жақындаған кезде, "Ортаңғы сызық үстіндегі лазер сәулесі" деген бағыт индикаторының (j) ұштығы ғана көрсетіледі.

Лазер қабылдағышы тым жоғары: лазер сәулесі қабылдау өрісінің (1) астыңғы бөлігінен өтсе, дисплейде "Ортаңғы сызық астындағы лазер сәулесі" деген бағыт индикаторы (f) жанады.
Жарық диодтары қосулы болған кезде, "Ортаңғы сызық астындағы лазер сәулесі" деген қызыл түсті жарық диодты бағыт индикаторы (4) жанады.
Дыбыстық сигнал қосулы болса, сигнал жылдам ырғақпен беріледі.
Лазер қабылдағышын көрсеткі бағытымен төмен қарай жылжытыңыз. Ортаңғы сызыққа жақындаған кезде, "Ортаңғы сызық астындағы лазер сәулесі" деген бағыт индикаторының (f) ұштығы ғана көрсетіледі.

Лазер қабылдағышы ортада: лазер сәулесі қабылдау өрісінен (1) ортаңғы сызық биіктігінде өтсе, дисплейде ортаңғы сызық индикаторы (h) пайда болады.
Жарық диодтары қосулы болғанда, жасыл түсті жарық диодты ортаңғы сызық (3) жанады.
Сигнал қосулы болса, үздіксіз дыбыс шығарылады.

Соңғы қабылдауды жадқа сақтау функциясы: лазер қабылдағышы лазер сәулесі қабылдау өрісінен (1) қайта шығатындай етіп жылжыса, соңғы рет көрсетілген "Ортаңғы сызық үстіндегі лазер сәулесі" деген бағыт индикаторы (j) немесе "Ортаңғы сызық астындағы лазер сәулесі" деген бағыт индикаторы (f) жыпылықтайды. Бұл индикаторды реттеу мәзірі арқылы қосуға немесе өшіруге болады.

Лазер сәулесі қабылдау өрісіне (1) тисе, лазер сәулесі мен лазер қабылдағышының ортаңғы сызығы арасындағы қашықтық дисплейдегі мәтіндік индикаторда (e) абсолютті мән ретінде көрсетіледі.

Биіктік индикаторының өлшем бірлігін реттеу мәзірінде өзгертуге болады ("mm" [мм] немесе "in" [дюйм]).

Лазер қабылдағышының алдыңғы мен артқы жағындағы дисплейлерде (5) жарық функциясы бар. Дисплей жарығы мына жағдайларда қосылады:

  • лазер қабылдағышын қосқан кезде,
  • түймені әр басқан сайын,
  • лазер сәулесі қабылдау өрісінің (1) үстінен жылжыған кезде.

Дисплей жарығы мына жағдайларда автоматты түрде өшеді:

  • лазер сәулесі қабылдау өрісіне жетпеген кезде, түймені әр басқан сайын 30 с ішінде,
  • ешбір түйме басылмаған кезде және лазер сәулесінің қабылдау өрісіндегі позициясы өзгермеген кезде, 2 минут ішінде.

Дисплей жарығын реттеу мәзірінде өшіруге болады.

Дисплей жарығының реттеуі лазер қабылдағышын өшірген кезде жадқа сақталмайды. Лазер қабылдағышын қосқаннан кейін, дисплей жарығы әрдайым қосылады.