ექსპლუატაციაში ჩაშვება
- დაიცავით საზომი ხელსაწყო ტენიანობისა და მზის პირდაპირი სხივებისგან.
- დაიცავით საზომი ხელსაწყო ექსტრემალური ტემპერატურებისა და ტემპერატურის ვარდნის ზემოქმედებებისკან. არ დატოვოთ იგი, მაგალითად, დიდი ხნით მანქანის სალონში. ტემპერატურის მნიშვნელოვანი რყევის შემთხვევაში, ჯერ აცალეთ საზომ ხელსაწყოს გაგრილება/გათბობა და მუშაობის გაგრძელებამდე ყოველთვის შეასრულეთ სიზუსტის შემოწმება იხ. საზომი ხელსაწყოს სიზუსტის შემოწმება.
ექსტრემალურმა ტემპერატურებმა და ტემპერატურის ვარდნამ შეიძლება უარყოფითდ იმოქმედოს საზომი ხელსაწყოს სიზუსტეზე.
- მოერიდეთ საზომი ხელსაწყოს ვარდნას და ძლიერ დარტყმებს. ელექტროხელსაწყოზე ძლიერი ზემოქმედების შემდეგ, რეკომენდებულია მისი სიზუსტის შემოწმება, სანამ გააგრძელებთ მასთან მუშაობას იხ. საზომი ხელსაწყოს სიზუსტის შემოწმება.
- ტრანსპორტირებისას, გამორთეთ საზომი ხელსაწყო. გამორთვისას ხდება ქანქარა მექანიზმის დაბლოკვა, რომელიც წინააღმდეგ შემთხვევაში მკვეთრი მოძრაობებისას შესაძლოა დაზიანდეს.
ჩართვა/გამორთვა
საზომი ინსტრუმენტის ჩასართავად, გადაწიეთ ამომრთველი (2) პოზიციაზე „
On“ (ქანქარის ბლოკირებით სამუშაოდ) ან პოზიციაზე „
On“ (ავტომატური ნიველირებით სამუშაოდ). მდგომარეობის ინდიკატორი (7) აინთება. საზომი ინსტრუმენტი ჩართვისთანავე ასხივებს ლაზერული სხივის ხვრელიდან (1)ლაზერულ ხაზებს.
- არ მიმართოთ ლაზერის სხივი ადამიანებზე ან ცხოველებზე და მოერიდეთ პირდაპირ ვიზუალურ კონტაქტს ლაზერის სხივთან, მაშინაც კი, თუ დიდ მანძილზე იმყოფებით.
საზომი ინსტრუმენტის გამოსართავად, გადაწიეთ ამომრთველი (2) პოზიციაზე „Off“. მდგომარეობის ინდიკატორი (7) ქრება. გამორთვისას ქანქარა მექანიზმი იბლოკება.
- არ დატოვოთ ჩართული საზომი ხელსაწყო უყურადღებოდ და გამორთეთ საზომი ხელსაწყო გამოყენების შემდეგ. ლაზერის სხივმა შეიძლება დააბრმავოს სხვა ადამიანები.
მაქსიმალურად დასაშვები სამუშაო ტემპერატურის გადამეტებისას 50 °C ლაზერული დიოდი გამოირთობა უსაფრთხოების უზრუნველყოფის მიზნით. როდესაც საზომი ინსტრუმენტი გაგრილდება, ის ისევ მზადაა სამუშაოდ და შეგიძლიათ მისი ჩართვა.
ავტომატური გამორთვა
თუ დაახლოებით 120 წთ განმავლობაში საზომ ხელსაწყოზე არ იქნება დაჭერილი რაიმე ღილაკი, მაშინ საზომი ხელსაწყო ავტომატურად გამოირთვება ბატარეების მუხტის ეკონომიის მიზნით.
ავტომატური გამორთვის შემდეგ საზომი ინსტრუმენტის განმეორებით ჩასართავად, ან უნდა გადაწიოთ ამომრთველი (2) ჯერ პოზიციაზე „Off“, შემდეგ ისევ ჩართოთ საზომი ინსტრუმენტი, ან ერთხელ დააჭიროთ ლაზერის ვერტიკალური (5) ან ჰორიზონტალური მუშაობის რეჟიმის ღილაკს (6).
ავტომატური გამორთვის დეაქტივაციისთვის, ჩართულ საზომ ინსტრუმენტზე გეჭიროთ ჰორიზონტალური მუშაობის რეჟიმის ღილაკი (6) მინიმუმ 3 წ. თუ ავტომატური გამორთვა დეაქტივირებულია, ლაზერული სხივები ციმციმებენ დასადასტურებლად.
მითითება: თუ სამუშაო ტემპერატურა აღემატება 45 °C, ავტომატური გამორთვის დეაქტივაცია შეუძლებელია.
ავტომატური გამორთვის გასააქტიურებლად გამორთეთ და ხელახლა ჩართეთ საზომი ხელსაწყო.