Повратен удар на пилата (види слика E)

Под повратен удар на пилата се подразбира ненадејно скокнување и поврат на електричниот алат што работи, што може да настане при допир на врвот од сечилото со материјалот што се сече или при заглавен ланец.

Ако настане повратен удар на пилата, електричниот алат реагира на непредвидлив начин и може да предизвика тешки повреди на корисникот или на лицата кои стојат во областа каде што се сече.

Страничните, косите и сечењата по должина мора да се извршуваат со особено внимание, бидејќи тука не може да се користи граничник (10).

За избегнување повратен удар на пилата:

• Поставете го електричниот алат што е можно порамно.
• Никогаш не работете со лабав, проширен или многу истрошен ланец на пилата.
• Никогаш не сечете над висина на рамениците.
• Никогаш не сечете со врвот на сечилото.
• Секогаш држете го цврсто електричниот алат со двете раце.
• Секогаш користете ланец на пилата за сечење на аериран бетон од Bosch (опрема).
• Користете го граничникот (10) како рачка.
• Внимавајте на правилно затегнување на ланецот.