Менување на главата за дупчење

Вметнување/вадење на запчестата глава

GBH 18V-26

За да може да работите со алати без SDS plus (на пр. со дупчалка со цилиндрично вратило), мора да монтирате соодветна глава за дупчење (запчеста или брзозатегнувачка глава за дупчење, опрема).

  • Завртете го SDS-plus-вратилото за прифат (23) во запчестата глава за дупчење (22). Зацврстете ја запчестата глава за дупчење (22) со безбедносната завртка (21). Внимавајте сигурносната завртка да има лев навој.

  • Исчистете го крајот за вметнување на вратилото за прифат и малку намастете го.
  • Запчестата глава за дупчење со вратилото за прифат ставете ја со вртење во прифатот за алат, додека самата не се заклучи.
  • Проверете дали е заклучена со влечење на запчестата глава за дупчење.

  • Турнете ја чаурата за заклучување (5) наназад и извадете ја запчестата глава за дупчење (22).

Вадење/ставање на заменливата глава за дупчење

GBH 18V-26 F

Вадење на заменливата глава за дупчење (види слика C)

  • Извлечете го наназад прстенот за заклучување на заменливата глава за дупчење (6), држете го цврсто во оваа позиција и извлечете ја нанапред SDS-plus-заменливата глава за дупчење (2) одн. брзозатегнувачката заменлива глава за дупчење (1).
  • Откако ќе ја извадите, заштитете ја заменливата глава за дупчење од нечистотија.

Вметнување на заменливата глава за дупчење (види слика D)

  • Користете само оригинална опрема во зависност од моделот и притоа внимавајте на бројот на отвори за подесување (25). Дозволени се само заменливи глави за дупчење со два или три отвори за подесување. Доколку за овој електричен алат не се користи соодветната заменлива глава за дупчење, алатот за вметнување може да испадне за време на работата.
  • Исчистете ја заменливата глава за дупчење пред да ја ставите и подмачкајте го лесно крајот за вметнување.
  • Фатете ја SDS-plus-заменливата глава за дупчење (2) одн. брзозатегнувачката заменлива глава за дупчење (1) со целата рака. Вметнете ја заменливата глава за дупчење со вртење во прифатот за главата за дупчење (24), додека не слушнете дека е вклопена.
  • Резервната глава за дупчење сама се заклучува. Проверете дали е заклучена со влечење на резервната глава за дупчење.