Литий-иондық аккумулятор блогымен жұмыс істеу
Литий-иондық аккумулятор блогын енгізу/алмастыру
Литий-иондық аккумулятор блогын (9) өлшеу құралына салып, айналмалы жапқышты (7), көздер литий-иондық аккумулятор блогына тіркелетіндей бұраңыз.
Литий-иондық аккумулятор блогын (9) шығарып алу үшін айналмалы жапқыштың (7) көздерін ашып, 90°-қа бұраңыз. Литий-иондық аккумулятор блогын өлшеу құралынан шығарып алыңыз.
Литий-иондық аккумулятор блогын зарядтау
- Зарядтау үшін шығыс кернеуі және минималды шығыс тогы "Техникалық деректер" тарауындағы талаптарға сәйкес келетін USB қуат блогын ғана пайдаланыңыз. USB қуат блогының пайдалану бойынша нұсқаулығын қараңыз.
- Желілік кернеуге назар аударыңыз! Ток көзінің кернеуі штепсельдік қуат блогының фирмалық тақтайшасындағы мәліметтерге сәйкес келуі тиіс.
- Аккумуляторды тек +10°C және +35°C аралығындағы қоршаған орта температурасында USB порты арқылы зарядтаңыз. Температуралар диапазонынан тыс зарядтау нәтижесінде аккумулятор зақымдалуы немесе өрт қаупі артуы мүмкін.
Ескертпе: Литий-ионды батареялар халықаралық тасымалдау ережелеріне сәйкес ішінара зарядталған күйде жеткізіледі.Аккумулятордың толық қуатын пайдалану үшін оны алғаш рет пайдаланудан бұрын толық зарядтаңыз.
USB Type-C® ұясының (11) қақпағын ашыңыз. USB ұясын USB кабелі (26) арқылы USB қуат блогымен байланыстырыңыз. USB қуат блогын электр желісіне жалғаңыз.
Заряд индикаторының (10) түсі | Мағынасы |
|---|---|
сары | Литий-иондық аккумулятор блогы зарядталуда. |
жасыл | Литий-иондық аккумулятор блогы толықтай зарядталған. |
қызыл | Зарядтау кернеуі немесе зарядтау тогы жарамсыз. |
Зарядтау процесі аяқталғаннан кейін, USB кабелін (26) шығарып алыңыз. Шаңнан және шашыранды судан қорғау үшін USB Type-C® ұясының (11) қақпағын жабыңыз.