Жалпы әрекеттер (E–H суреттерін қараңыз)

Электр құралын әрдайым екі қолмен, сол қолыңызды алдыңғы тұтқада, оң қолыңызды артқы тұтқада мықтап ұстап тұрыңыз. Тұтқаларды әркез бас бармақтармен және саусақтармен ұстап тұрыңыз. Желілік кабельді әрдайым артқа бағыттаңыз және оны ара шынжыры мен аралау материалының айналасынан тыс ұстаңыз.

Электр құралын тек тұрақты қалыпта пайдаланыңыз. Электр құралын денеңізден сәл оң жақта ұстап тұрыңыз.

Ара шынжырын кеуекті бетонға тигізу алдында толық жылдамдықпен жұмыс істету қажет. Бұл ретте электр құралын кеуекті бетонға тіреу үшін тіреуішті (10) пайдаланыңыз. Аралау кезінде тіреуішті иінтірек ретінде пайдаланыңыз.

Қаттырақ кеуекті бетон блоктарын аралау кезінде тіреуішті тереңірек нүктеде орнатыңыз. Тіреуішті босату үшін электр құралын кері тартыңыз және оны қайтадан тереңірек орнатыңыз. Электр құралын кесіктен алмаңыз.

Аралау кезінде ара шынжырын күш қолданып баспаңыз, оның орнына тіреуіш (10) арқылы жеңіл иінтірек қысымын тудыру арқылы шынжырға жұмыс істеуге мүмкіндік беріңіз.

Электр құралын ешқашан түзу қолмен пайдаланбаңыз. Қол жеткізу қиын болатын жерлерде немесе сатыға тұрып аралауға әрекеттенбеңіз. Еш жағдайда иық деңгейінен биік араламаңыз.

Үздік аралау нәтижелеріне, шынжыр жылдамдығы артық жүктеме салдарынан түспеген кезде қол жеткізуге болады.

Кесік жасағаннан кейін сақ болыңыз. Электр құралы еркін кесіп болғаннан кейін, ауырлық салмағы кенет өзгеріп кетеді. Аяқ пен табанға жарақат тигізу қаупі туындайды.

Электр құралын ара шынжырының айналып тұрған күйінде ғана кесіктен алыңыз.