Ротациялық лазерді қолданысқа енгізу
- Жұмыс аймағын лазер сәулесін қайтаруы немесе оған кедергі келтіруі мүмкін бөгеттерден таза ұстаңыз. Мысалы, қайтарғыш немесе жылтыр беттердің үстін жауып қойыңыз. Шыны әйнектер немесе ұқсас материалдар арқылы өлшемеңіз. Лазер сәулесі қайтарылған немесе оған кедергі келтірілген жағдайда, өлшеу нәтижелері қате болуы мүмкін.
|
|
Көлденең күй | Тік күй |
Өлшеу құралын көлденең немесе тік күйде тұрақты бетке орналастырып, штативке (32) немесе қабырға бекіткішіне (36) туралау блогымен орнатыңыз.
Жоғары нивелирлеу дәлдігіне байланысты өлшеу құралы дірілге және күй өзгерістеріне өте сезімтал жауап қайтарады. Сондықтан қосымша нивелирлеу себебінен болатын жұмыс үзілістерінің алдын алу үшін өлшеу құралының тұрақты күйіне көз жеткізіңіз.
Өлшеу құралын қосу үшін қосу/өшіру түймесін (4) басыңыз. Барлық индикаторлар қысқа уақытқа жанады. Өлшеу құралы айнымалы лазер сәулесін (6) және жоғары қаратылған перпендикуляр табанын (9) шығару саңылауларынан (8) жібереді.
- Лазер сәулесін адамдарға немесе жануарларға бағыттамаңыз және тіпті алыстан болсын жарық сәулесіне өзіңіз қарамаңыз.
Өлшеу құралы автоматты түрде нивелирдеу әрекетін бірден бастайды. Нивелирлеу кезінде күй индикаторы (3) жасыл түспен жыпылықтап, лазер айналмай жыпылықтайды.
Күй индикаторы (3) үздіксіз жасыл түспен жанып, лазер үздіксіз жанып тұрғанда, бұл өлшеу құралының нивелирленгенін білдіреді. Нивелирлеу аяқталғаннан кейін, өлшеу құралы автоматты түрде ротациялық жұмыс режимінде іске қосылады.
- Қосулы зарядтау құралын бақылаусыз қалдырмаңыз және өлшеу құралын пайдаланудан соң өшіріңіз. Лазер сәулесімен адамдардың көзін шағылыстыру мүмкін.
Ротациялық режим түймесінің (5) немесе сызықтық режим түймесінің (11) көмегімен нивелирлеу барысында жұмыс режимін алдын ала белгілеуге болады. Бұл жағдайда нивелирлеу аяқталғаннан кейін, өлшеу құралы таңдалған жұмыс режимінде іске қосылады.
Өлшеу құралын өшіру үшін қосу/өшіру түймесін (4) қайтадан басыңыз.
Өлшеу құралы 2 сағаттан ұзақ өздігінен нивелирлеу диапазонынан тыс болғанда немесе соққы туралы ескерту 2 сағаттан ұзақ іске қосылып тұрғанда батареяларды қорғау мақсатында автоматты түрде өшіп қалады. Өлшеу құралын жаңадан орналастырып, қайта қосыңыз.