Пайдалану бойынша нұсқаулар

  • Фрезерлеу процесін үнемі фрезаның (7) айналу бағытына қарсы орындау керек (кері қозғалыс). Қозғалыс бағытымен (синхронды қозғалыс) фрезерлеу кезінде электр құралын қолмен жүргізуге болады.
  • Электр құралын тек орнатылған фрезерлеу қорабымен (2) пайдаланыңыз. Электр құралының бақылауын жоғалту жарақаттануларға алып келуі мүмкін.

Нұсқау: Фреза (7) негізгі тақтадан (10) әрдайым шығып тұруына көз жеткізіңіз. Шаблон немесе дайындаманы қазымдамаңыз.

Керекті фрезерлеу тереңдігін реттеңіз.

Электр құралын қосып өңделетін жайға апарыңыз.

Фрезерлеуден соң электр құралын өшіріңіз.

  • Фрезер толық тоқтағанша электр құралын алып қоймаңыз. Әлі айналып тұрған алмалы-салмалы аспаптар жарақаттануларға алып келуі мүмкін.

Көшіру гильзасының (20) көмегімен контурларды үлгілер мен шаблондардан бөлшекке түсіре аласыз.

Шаблон немесе үлгі қалыңдығына сәйкес көшіру гильзасын таңдаңыз. Көшіру гильзасының шығып тұратын биіктігінен шаблон қалыңдығы 8 мм-ден кем болмауы керек (E1 суретін қараңыз).

  • Көшіру гильзасының ішкі диаметрінен кіші болатын фреза диаметрін таңдаңыз.

Сырғу тақтасының (9) астыңғы жағындағы төрт цилиндрлік бұранданы бұрап шығарып, сырғу тақтасын алып тастаңыз.

Көшіру гильзасын (20) сырғу тақтасына енгізіңіз (E2 суретін қараңыз).

Сырғу тақтасын қайтадан тірек тақтасына (10) бос етіп бұрап бекітіңіз. Сырғу тақтасы еркін жылжуы тиіс.

Фреза ортасынан көшіру гильзасының жиегіне дейін бірдей арақашықтық болуы үшін, қажет болса, көшіру гильзасы мен сырғу тақтасын өзара ортаға келтіру керек.

  • Сырғу тақтасын фреза мен көшіру гильзасы сырғу тақтасы саңылауының ортасына келетіндей етіп туралаңыз (E3 суретін қараңыз).
  • Сырғу тақтасын осы күйде ұстап тұрып, бекіткіш бұрандаларды мықтап тартыңыз.

Көшіру гильзасымен (20) фрезерлеу үшін келесідей әрекет етіңіз:

  • Электр құралын көшіру гильзасымен (20) шаблонға қойыңыз.
  • Шығыңқы көшіру гильзасы бар электр құралын бүйірінен қысу арқылы шаблон бойымен жүргізіңіз.

 

Параллель тірексіз жиектерді және профидьдерді фрезерлеу кезінде фреза бағыттағыш шетмойынмен немесе шарикті подшипникпен жабдықталуы керек.

Қосылған электр аспапты бағыттағыш шетмойын немесе шарикті подшипник дайындаманың өңделетін жиегіне тірелетіндей етіп қойыңыз.

Электр құралын дайындама шеті жағалай басқарыңыз. Сонымен қатар, тік бұрышты қойылуын қадағалаңыз. Тым қатты күш түсірген жағдайда дайындама жиегі зақымдануы мүмкін.

Жиекке параллель кесу үшін параллель тіректі (21) орнатуға болады.

Параллель тіректі (21) фреза қорабына (2) домалатпа басты бұрандамен (4) бекітіңіз.

Параллель тіректегі (22) қатпарлы бұрандамен қажетті тіреу тереңдігін реттеңіз.

Қосылған электр құралын біркелкі алға қарай жүріспен және параллель тіректі бүйірінен қысу арқылы дайындама жиегінің бойымен жүргізіңіз.

Жылжыту көмекшісі (23) бағыттауыш цапфа немесе шарлы мойынтірексіз фрезалармен шеттерді фрезерлеуге арналған.

Бағыттауышты фрезерлеу қорабында (2) сомынмен (4) бекітіңіз.

Электр құралын бірдей ретте жылжытып дайындама шеті жағалай басқарыңыз.

Жан аралық: Материал алудың көлемін өзгерту үшін дайындама мен сырғанақ дөңгелек(26) арасындағы жан аралықты жылжыту көмекшісінде (23) реттеңіз.

Қатпарлы бұранданы (24) босатып, керекті жан аралықты қатпарлы бұранданы (25) бұрап орнатып, қатпарлы бұранданы (24) қайта бұрап бекітіңіз.

Биіктігі: Пайдаланған фрезаға және өңделетін дайындамаға байланысты жылжыту көмекшісінің вертикалды бағытталуын орнатыңыз.

Сомынды (4) бағыттауышта босатып, бағыттауышты керекті күйге жылжытып бұранданы тартып қойыңыз.