Іске қосу

Минералды шаң сияқты шаң денсаулық үшін зиянды болуы мүмкін. Шаңның тиюі немесе жұтылуы пайдаланушыда немесе жанындағы адамдарда аллергиялық реакцияларды және/немесе тыныс жолдарының ауруларын тудыруы мүмкін.
Асбест қамтитын материалды тек қана техник мамандар өңдеуі керек.

Өңделетін материалдар үшін еліңізде қолданылатын нұсқамаларды орындаңыз.

  • Беріліс ауыстырып-қосқышын электр құралы тоқтап тұрғанда ғана пайдаланыңыз.

Беріліс ауыстырып-қосқышын (7) қалаулы беріліске (1 немесе 2) бұраңыз.

Беріліс ауыстырып-қосқышы (7) арқылы 2 айналу жиілігінің диапазонын алдын ала таңдауға болады.

1-беріліс:

Төменірек айналу жиіліктерінің диапазоны, жоғары айналу моменті, максималды араластырғыш қондырма диаметрі 160 мм

Қатты материалдарды өңдеу үшін мінсіз жарамды

2-беріліс:

Жоғарырақ айналу жиіліктерінің диапазоны, төменірек айналу моменті, максималды араластырғыш қондырма диаметрі 140 мм

Жеңіл немесе сұйық материалдарды өңдеу үшін мінсіз жарамды

Электр құралын іске қосу үшін алдымен іске қосылудан қорғайтын құлыпты (1) басыңыз, содан кейін ажыратқышты (3) басып тұрыңыз.

Электр құралын өшіру үшін ажыратқышты (3) жіберіңіз.

Айналу жиілігін ажыратқыш көмегімен реттеу

Ажыратқышты (3) басу күшін өзгерте отырып, қосылған электр құралының айналу жиілігін біртіндеп реттеуге болады.

Ажыратқышты (3) жай басқанда, электр құралы төменірек айналу жиілігімен жұмыс істейді. Басу күші күшейгенде, айналу жиілігі артады.

Айналу жиілігін реттегіш дөңгелектің көмегімен реттеу

Қалаған айналу жиілігін айналмалы реттегіштің (5) көмегімен де алдын ала таңдауға болады (сондай-ақ жұмыс барысында).

Қажетті айналу жиілігі араластырылатын өнімге және жұмыс жағдайларына байланысты.

Электрондық бірқалыпты іске қосу функциясы айналу жиілігін ажыратқышты (3) басқан кезде баяу арттырады. Осылайша араластырылатын өнімнің шашырауына жол берілмейді.

Электр құралының электроникасы жүктемелердің кең ауқымында араластырғыш қондырманың айналу жиілігін белгіленген диапазонда тұрақты сақтап тұрады. Бұл тұрақты жұмыс өнімділігін қамтамасыз етеді.

Жылдам өшіру (KickBack Control) электр құралын жақсырақ бақылауға көмектеседі және осылайша KickBack Control құралы жоқ электр құралдарымен салыстырғанда пайдаланушы қорғанысын да күшейтеді. Электр құралы айналу осі бойынша кездейсоқ және кенет айналса, электр құралы өшіп қалады.

Жылдам өшіру электр құралындағы KickBack Control жарық диодының (6) қызыл түспен жыпылықтауы арқылы көрсетіледі.

Қайта іске қосу үшін ажыратқышты жіберіп, қайта басыңыз.

  • Егер KickBack Control функциясы ақаулы болса, электр құралы бұдан былай қосылмайды. Электр құралыңызды тек қана білікті маманға және түпнұсқа қосалқы бөлшектермен бірге жөндетіңіз.