Қорапты жабдықтау (A1−A4 суреттерін қараңыз)

Тек түпнұсқа Bosch керек-жарақтарын пайдаланыңыз. Электр құралының қорап, ауыз және итергіш канал сияқты дәл бөліктері Bosch ұсынған қапсырма, шеге мен штифтеріне сәйкестендірілген. Басқа өндірушілер басқа болат сапасын және өлшемдерді пайдаланады.

Нұсқау: тек "Техникалық деректер" кестесінде келтірілген қағылатын заттарды пайдаланыңыз.

Рұқсат етілмеген қағылатын заттарды пайдалану электр құралының зақымдалуына және жарақат алуға әкелуі мүмкін.

Қорапты толтыру барысында электр құралын, ауыз (18) не өз денеңізге, не басқа адамдарға бағытталмайтындай ұстап тұрыңыз.

• Қажет болса, қорап қалқанын (15) тазалаңыз да, қораптың (14) ластанбағанына көз жеткізіңіз.
• Жарамды шеге таспасын (20) қораптың (14) ұшындағы Т тәрізді ойыққа салыңыз.
• Шеге таспасын, соңғы шеге қорап серіппесінің (21) алдында жатқанша, алға қарай қорап ішіне жылжытыңыз.

Нұсқау: электрондық бақылау жүйесі шегелердің қорапта бар-жоғын анықтайды. Іске қосу сақтандырғышы қораптың бос күйінде басылған жағдайда, қағу процесі іске қосылады. Осылайша бос қағу әрекеттеріне жол берілмейді.

• Алдын ала керілген шеге қармағышын (16) қорап қалқанына (15) қарай басып, дәл сол уақытта қорап қалқанын толығымен қораптың (14) ұшына дейін тартыңыз.

Нұсқау: қорап қалқаны қатты күш қолданусыз (тек саусақ күшімен) кері жылжытылуы керек. Қысылып қалған қорап қалқанының мынадай салдары бар: шеге қағылмайды, шеге итергіш каналда қармалып қалады ("Қысылу" бөлімін қараңыз) немесе шеге қате бұрышта қағылады.

• Қорап қалқанын (15) басылған шеге қармағышымен (16), шеге қармағышы соңғы шеге үстінен жылжытылғанша және нәтижесінде шеге таспасы қорапқа толығымен алға кіргенше, абайлап алға қарай бағыттаңыз.

Нұсқау: қорап қалқанының бағыттаусыз кері қармалып қалуына жол бермеңіз. Қорап қалқаны зақымдалуы мүмкін және саусағыңыз қысылып қалуы мүмкін.