Қызмет көрсету және тазалау

Электр құралында кез келген жұмыс өткізбес бұрын (мысалы, техникалық қызмет көрсету, құралды алмастыру және т.б.) аккумуляторды электр құралынан шығарып алыңыз. Ажыратқышты кездейсоқ басқан жағдайда, жарақат алу қаупі туындайды.

Жақсы әрі сенімді жұмыс істеу үшін электр құралы мен желдеткіш тесікті таза ұстаңыз.

Егер электр құралы 2 жыл немесе одан ұзақ пайдаланылмай сақтауда тұрған болса, Bosch электр құралдарына арналған өкілетті қызмет көрсету орталығында техникалық қызмет көрсетуге кеңес беріледі.

Өнімдерді олардың сақтығын қамтамасыз ететін, өнімдерге атмосфералық жауын-шашынның тиюіне және асқын температура көздерінің (температураның шұғыл өзгерісінің), соның ішінде күн сәулелерінің әсер етуіне жол бермейтін дүкендерде, бөлімдерде (секцияларда), павильондар мен киоскілерде сатуға болады.

Сатушы (өндіруші) сатып алушыға өнімдер туралы қажетті және шынайы ақпаратты беріп, өнімдерді тиісінше таңдау мүмкіндігін қамтамасыз етуге міндетті. Өнімдер туралы ақпарат міндетті түрде тізімі Ресей Федерациясының заңнамасымен белгіленген мәліметтерді қамтуы тиіс.

Егер тұтынушы сатып алатын өнімдер әлдеқашан пайдаланылған немесе өнімдерде ақаулық (ақаулықтар) жойылған болса, тұтынушыға бұл туралы ақпарат берілуі тиіс.

Өнімдерді сату процесінің аясында төмендегі қауіпсіздік талаптары орындалуы тиіс:

Сатушы сатып алушыға ұйымының фирмалық атауы, орналасқан жері (мекенжайы) және жұмыс режимі туралы мәліметтер беруге міндетті;
Сауда бөлмелеріндегі өнімдердің сынамалары сатып алушыға бұйымдардағы жазбалармен танысуға мүмкіндік беруі және визуалды тексерістен басқа бұйымдардың іске қосылуына әкелетін, сатып алушылар өз бетінше орындайтын ешқандай әрекеттерге жол бермеуі тиіс;
Сатушы осы бұйымдардың белгіленген талаптарға сәйкестігінің растамасы, сертификаттардың немесе сәйкестік жөніндегі мәлімдемелердің бар болуы туралы ақпаратты сатып алушыға беруге міндетті;
Идентификациялық сипаттары жоқ (жоғалған), жарамдылық мерзімі өтіп кеткен, бұзылу белгілері бар және пайдалану бойынша нұсқаулығы (кітапшасы), міндетті сәйкестік сертификаты немесе сәйкестік белгісі жоқ өнімдерді сатуға тыйым салынады.

Ақауларды жою

Мәселе	Себебі	Шешімі
Электр құралы жауап қайтармайды.	Аккумулятор салынбаған немесе заряды бос аккумулятор салынған	Зарядталған аккумуляторды салыңыз.
	Аккумулятор және/немесе электр құралы жұмыс температурасынан тыс	Аккумуляторды және электр құралын жұмыс температурасына дейін жеткізіңіз.
	Электр құралы қосылмайды	Электр құралын пайдаланушы интерфейсіндегі қосу/өшіру түймесі (1) арқылы қосыңыз.
Қағу әрекеті іске қосылмайды	қорапта (12) ≤ 2 шеге	Қорапты (12) толтырыңыз.
	Іске қосу құрылғысы (6) құлыптаулы	Іске қосу құрылғысын (6) құлыптан босату үшін құлыптан босату ажыратқышын (5) солға басыңыз.
	Жұмыс реттілігі дұрыс орындайлмайды	Дұрыс жұмыс реттілігін сақтаңыз: Түйіспе элементін (17) астыңғы беттен көтеріңіз. Іске қосу құрылғысын (6) жіберіңіз. Түйіспе элементін астыңғы бетке тігінен қысыңыз. Түйіспе элементін басқаннан кейін іске қосу құрылғысын 2 секунд ішінде басыңыз.
Шеге жеткілікті терең қондырылмайды.	Электр құралы тым суық	Электр құралын жұмыс температурасына дейін жеткізіңіз.
	Тереңдік шектегіші қате реттелген	Тереңдік шектегішінің ажыратқышын (20) солға қарай басыңыз.
	Тым ұзын шеге	Қысқа шегелерді пайдаланыңыз. Пайдалануға жарамды тиімді анкерлеу ұзындығын (h_ef) ескеріңіз.
	Астыңғы бет тым қатты	Дюбельдер сияқты балама бекіту әдістерін пайдаланыңыз.
Шеге тым терең қондырылады.	Тереңдік шектегіші қате реттелген	Тереңдік шектегішінің ажыратқышын (20) оңға қарай басыңыз.
	Тым қысқа шеге	Ұзынырақ шегелерді пайдаланыңыз. Пайдалануға жарамды тиімді анкерлеу ұзындығын (h_ef) ескеріңіз.
	Астыңғы бет тым жұмсақ	Дюбельдер сияқты балама бекіту әдістерін пайдаланыңыз.
Шеге бүгілген немесе сынған.	Электр құралы астыңғы бетке қисық қойылған	Электр құралын астыңғы бетке тігінен орнатып қойыңыз. Астыңғы бет тегіс болса, туралау үшін тұғырды (13) пайдаланыңыз.
	Тым ұзын шеге	Қысқа шегелерді пайдаланыңыз. Пайдалануға жарамды тиімді анкерлеу ұзындығын (h_ef) ескеріңіз.
	Астыңғы бет тым қатты	Қосылымдар қатты бетонда бекіту әрекетін басқа жерде орындап көріңіз. Кері жағдайда дюбельдер сияқты балама бекіту әдістерін пайдаланыңыз.
Шеге болатта ұсталмайды.	Болат астыңғы бет тым жіңішке	Бұрандалар сияқты балама бекіту әдістерін пайдаланыңыз.
Шеге түйіспе элементінен шықпайды немесе түйіспе элементі басылған күйде қалады.	Түйіспе элементіндегі бұғатталу (мысалы, бөгде заттардан немесе кірден)	Бұғатталуды түзетіңіз қараңыз Бұғатталуды түзету/бастапқы күйге қайтару.
Тым жоғары қателер жиілігі	Астыңғы бет тым қатты	Дюбельдер сияқты балама бекіту әдістерін пайдаланыңыз.
Тым жоғары қателер жиілігі	Таңба тозған	Электр құралын Bosch электр құралдарына арналған өкілетті қызмет көрсету орталығында жөндетіңіз.
Шегелер қорапқа сырғып кірмейді.	Қорап ластанған	Қорапты (12), мысалы, жаққышпен тазалаңыз.