Примери за работа

Поставете го мерниот уред во хоризонтална положба на цврста подлога или монтирајте го на статив (43) (опрема).

Работење со статив: израмнете го ласерскиот зрак на саканата висина. Пренесете ја одн. проверете ја висината на целното место.

Работење без статив: одредете ја висинската разлика помеѓу ласерскиот зрак и висината на референтната точка со помош на целната табла на ласерот (51). Пренесете ја одн. проверете ја измерената висинска разлика на целното место.

Доколку треба да се нанесе прав агол или да се израмнат меѓуѕидовите, мора да ја израмните точката на вертикалата нагоре (10) паралелно, т. е. на исто растојание со референтната линија (на пр. ѕид).

За ова, поставете го мерниот уред во вертикална положба и позиционирајте го на тој начин што точката на вертикалата нагоре ќе оди скоро паралелно на референтната линија.

За точно позиционирање измерете го растојанието меѓу точката на вертикалата нагоре и референтната линија директно на мерниот уред со помош на целната табла за ласерот (51). Измерете го одново растојанието помеѓу точката на вертикалата нагоре и референтата линија во што е можно поголемо растојание од мерниот уред. Насочете ја точката на вертикалата нагоре, така што ќе има исто растојание до референтната линија, како и при мерењето директно на мерниот уред.

Ќе се прикаже правиот агол до точката на вертикалата нагоре (10) со варијабилниот ласерски зрак (8).

За прикажување на вертикала одн. вертикално ниво, поставете го мерниот уред во вертикална положба. Доколку вертикалното ниво треба да биде под прав агол до референтната линија (на пр. ѕид), тогаш израмнете ја точката на вертикалата нагоре (10) на оваа референтна линија.

Вертикалата се прикажува преку варијабилниот ласерски зрак (8).

За да ја израмните ласерската линија или ротационото ниво на една референтна точка на ѕид, поставете го мерниот уред во вертикална положба и израмнете ја ласерската линија одн. ротационото ниво грубо на референтната точка. За точно израмнување со референтната точка, вртете го ротационото ниво околу X‑оската види Вртење на ротационото ниво во вертикална положба.

При поволни светлосни услови (темна околина) и на кратки растојанија може да работите без ласерски приемник. За подобра видливост на ласерскиот зрак изберете или линиски режим, или точкаст режим и вртете го ласерскиот зрак кон целното место.

При неповолни светлосни услови (осветлена околина, директни сончеви зраци) и на големи растојанија за подобро наоѓање на ласерскиот зрак користете го ласерскиот приемник (41). При работа со ласерски приемник, изберете го ротациониот режим со највисока брзина на ротација.

Во надворешен простор, секогаш треба да се користи ласерски приемник (41).

При работење на несигурен под, монтирајте го мерниот уред на стативот (43). Работете само со активирана функција за предупредување за удар, за да избегнете погрешни мерења при движење на подот или потреси на мерниот уред.

Монтирајте го мерниот уред во хоризонтална положба на статив (43) и поставете го стативот надвор од областа на обвивката. Изберете го ротациониот режим.

Прицврстете го ласерскиот приемник (41) со држачот на мерна летва (42). Поставете ја мерната летва на референтна точка на обвивката.

Израмнете го ласерскиот приемник со мерната летва во висина, така што варијабилниот ласерски зрак (8) на мерниот уред ќе се прикаже како во средина (види упатство за користење на ласерскиот приемник).

Потоа поставете ја мерната летва со ласерскиот приемник едно по друго на различни места за проверка на обвивката. Осигурајте се, дека позицијата на ласерскиот приемник на мерната летва ќе остане непроменета.

Коригирајте ја висината на обвивката, додека ласерскиот зрак на сите места за проверка не се прикаже како во средина.

Монтирајте го мерниот уред во хоризонтална положба на еден статив (43). Изберете го ротациониот режим.

Поставете го стативот со мерниот уред, така што X‑оската се израмнува во линија со косината која се проверува.

Поставете го зададеното накосување како косина на X‑оската види Режим на косина во хоризонтална положба.

Прицврстете го ласерскиот приемник (41) со држачот на мерна летва (42). Поставете ја мерната летва на подножјето на накосената површина.

Израмнете го ласерскиот приемник со мерната летва во висина, така што варијабилниот ласерски зрак (8) на мерниот уред ќе се прикаже како во средина (види упатство за користење на ласерскиот приемник).

Потоа поставете ја мерната летва со ласерскиот приемник едно по друго на различни места за проверка на накосената површина. Осигурајте се, дека позицијата на ласерскиот приемник на мерната летва ќе остане непроменета.

Ако ласерскиот зрак на сите места за проверка се прикаже како во средина, накосувањето на површината е точно.