Совети при работењето
- Електричниот алат ставете го на навртката/завртката само доколку е исклучен. Доколку алатите што се вметнуваат се вклучени и се вртат, тие може да се превртат.
- Секогаш прицврстувајте ги алатите за вметнување на четириаголниот со клин за заклучување или затезен прстен.
Вртежниот момент зависи од времетраењето на ударот. Максималниот постигнат вртежен момент е резултат од збирот на сите поединечни вртежни моменти постигнати со удари. Максималниот вртежен момент се постигнува по времетраење на удар од 6–10 секунди. По овој период, затезниот вртежен момент се зголемува минимално.
Времетраењето на ударот треба да се одреди за секој потребен затезен вртежен момент. Постигнатиот затезен вртежен момент, треба постојано да се проверува со вртежен момент клуч.
Завртувања во цврсто лежиште, лежиште со пружина или меко лежиште
Доколку има обид да се измерат постигнатите удари во последователни удари и да се пренесат во дијаграм, ќе се добие крива на текот на вртежни моменти. Висината на кривата одговара на максималниот постигнат вртежен момент, а косината покажува кога е постигнат.
Еден вртежен момент зависи од следните фактори:
- цврстината на завртките/навртките
- видот на подлогата (диск, подлошка, дихтунг)
- цврстина на материјалот што се навртува
- подмачканост на завртките
Зависно од горенаведените фактори, постојат следниве видови на примена:
- Цврсто лежиште при навртување метал на метал со користење на подлошки. Максималниот вртежен момент се постигнува по релативно кратко време на удар (кос тек на линијата). Непотребното долго време на удари ѝ штети на машината.
- Лежиште со пружина при навртување метал на метал, при користење на прстенести пружини, подлошки, болцни или завртки/навртки со конусно лежиште, како и при користење на продолжетоци.
- Меко лежиште при навртување на пр. метал на дрво или при користење на оловни или фибер дискови како подлога.
При лежиште со пружина одн. меко лежиште максималниот вртежен момент на прицврстување е помал отколку при цврсто лежиште. Исто така е потребно значително подолго време на удари.
Референтни вредности за максимален вртежен момент за затегнување на завртките
Податоци во Nm, пресметано од просекот на затегнување; искористување на границата на еластичност 90 % (при број на триења μвк. = 0,12). Постигнатиот затезен вртежен момент, треба постојано да се проверува со момент клуч.
Класи на цврстина според DIN 267 | Стандардни завртки | Завртки со висока отпорност | ||||||
|---|---|---|---|---|---|---|---|---|
3.6 | 4.6 | 5.6 | 5.8 | 6.8 | 8.8 | 10.9 | 12.9 | |
M6 | 2.71 | 3.61 | 4.52 | 6.02 | 7.22 | 9.7 | 13.6 | 16.2 |
M8 | 6.57 | 8.7 | 11 | 14.6 | 17.5 | 23 | 33 | 39 |
M10 | 13 | 17.5 | 22 | 29 | 35 | 47 | 65 | 78 |
M12 | 22.6 | 30 | 37.6 | 50 | 60 | 80 | 113 | 135 |
M14 | 36 | 48 | 60 | 79 | 95 | 130 | 180 | 215 |
M16 | 55 | 73 | 92 | 122 | 147 | 196 | 275 | 330 |
M18 | 81 | 110 | 135 | 180 | 215 | 290 | 405 | 485 |
M20 | 115 | 155 | 190 | 255 | 305 | 410 | 580 | 690 |
Совети
Пред навртување на големи, подолги завртки во цврсти материјали, претходно издупчете 2/3 од должината на завртката според внатрешниот дијаметар на навојот.
Напомена: Внимавајте, да не навлезат ситните метални делови во електричниот алат.
По подолго работење со мал број на вртежи, за да го оладите електричниот алат оставете го да се врти во празен од околу 3 минути со максимален број на вртежи.
Напомени за оптимално ракување со батеријата
Заштитете ја батеријата од влага и вода.
Складирајте ја батеријата во опсег на температура од –20 °C до 50 °C. Не ја оставајте батеријата на пр. во автомобилот во лето.
Скратеното време на работа по полнењето покажува, дека батеријата е потрошена и мора да се замени.
Внимавајте на напомените за отстранување.
Држач за појас
Со држачот за појас (3) може да го закачите електричниот алат на пр. на ремен. Така двете дланки ќе ви бидат слободни, а електричниот алат ќе го имате на дофат во секое време.